Andreas Rettig Germaniya futbol assosiasiyasining yangi sport direktori bo‘ldi, deya xabar beradi tashkilot matbuot xizmati.

60 yoshli mutaxassis Germaniya terma jamoalari faoliyatiga, shuningdek, akademiyalarda yosh futbolchilarni tayyorlash tizimiga mas’ul bo‘ladi.

Rettigning tayinlanishi Hansi Flik ketganidan keyin Rudi Vyoller boshchiligidagi Germaniya erkaklar terma jamoasi bosh murabbiyi lavozimiga qanday ta’sir qilishi hozircha ma’lum qilinmagan.

Retting Germaniya terma jamoasining JCH-2022dagi yomon o‘yinidan so‘ng o‘z lavozimini tark etgan Oliver Birxoffning o‘rnini egallaydi.