FIFA yilning eng yaxshi futbolchisiga beriladigan The Best mukofotiga 12 nafar nomzodni aniqladi. Bunday nufuzli mukofotga da’vogar bo‘lgan 12 nomzod joriy mavsumda qanday statistika ko‘rsatmoqda.
Xulian Alvares (Manchester Siti)
Alvares o‘tgan mavsumda "Manchester Siti" bilan trebl yutdi. Joriy mavsumda Xulian “shaharliklar” safida oltita o‘yin o‘tkazib, ikkita gol urdi va bitta golli uzatmani amalga oshirdi.
Marselo Brozovich (Inter/An-Nasr)
"Inter" bilan birgalikda Brozovich Italiya kubogini qo‘lga kiritdi va Chempionlar ligasi finaliga ham chiqdi. Joriy mavsumda Marselo “An-Nassr” safida 6 ta o‘yinda maydonga tushib, bitta gol urdi va bitta golli uzatmani amalga oshirdi.
Kevin De Bryuyne (Manchester Siti)
Alvares kabi De Bryuyne ham "Man Siti" bilan treblga erishdi. Bu mavsumda Kevin ikkita o‘yin o‘tkazib, bitta gol urdi. Futbolchi ayni damda jarohatidan forig‘ bo‘lmoqda.
Ilkay Gyundogan (Manchester Siti/Barselona)
"Siti"dagi muvaffaqiyatli mavsumdan so‘ng Ilkay "Barselona"ga ko‘chib o‘tdi va u yerda hozirgacha to‘rtta o‘yin o‘tkazib, ikkita golli uzatmani amalga oshirdi.
Erling Xoland (Manchester Siti)
Xoland Premyer-ligada bir mavsumda gol urish bo‘yicha rekord o‘rnatdi (36) va joriy mavsumda u oltita o‘yinda maydonga tushib, oltita gol urdi va bitta golli uzatmani amalga oshirdi.
Rodri (Manchester Siti)
Bu variantni juda kam odam kutgandi, ammo Rodri o‘tgan mavsumda to‘laqonli yulduzga aylandi va hatto Chempionlar Ligasi finalida ham gol urdi. Joriy mavsumda ispaniyalik futbolchi oltita o‘yin o‘tkazib, ikkita gol urdi va ikkita golli uzatmani amalga oshirdi.
Xvicha Kvarasxeliya (Napoli)
"Napoli" bilan o‘tgan mavsumda Xvicha Italiya chempioniga aylandi. Joriy mavsumda Kvarasxeliya ikkita o‘yin o‘tkazib, bitta golli uzatmani amalga oshirdi.
Kilian Mbappe (PSJ)
Mbappe o‘tgan mavsumda Fransiya chempioniga aylandi. Bu yil u Liga 1da uchta o‘yin o‘tkazib, beshta gol urdi.
Lionel Messi (PSJ/Inter Mayami)
"PSJ" bilan Messi Fransiya chempionligini qo‘lga kiritdi. "Inter Mayami" bilan esa Leo Liga kubogini qo‘lga kiritdi. Forvard yangi jamoasi safida 11 ta o‘yin o‘tkazib, 11 ta gol urdi va 5 ta golga assistentlik qildi.
Viktor Osimxen (“Napoli”)
O‘tgan mavsumda Viktor Italiya chempioni bo‘ldi. Joriy mavsumda Osimxen uchta o‘yin o‘tkazib, uchta gol urdi.
Deklan Rays (Vest Xem/Arsenal)
Rays “Vest Xem” bilan Konferensiyalar ligasida va “Arsenal” bilan Angliya Superkubogida g‘olib chiqdi. Joriy mavsumda futbolchi beshta o‘yin o‘tkazib, bitta gol urdi.
Bernardu Silva (Manchester Siti)
Silva uchun o‘tgan mavsumning eng yorqin voqeasi Chempionlar ligasi yarim finalida "Real"ga qarshi o‘yindagi dubl bo‘ldi. Yangi mavsumda yarim himoyachi to‘rtta o‘yin o‘tkazib, birorta samarali harakat amalga oshira olmadi.
