ФИФА йилнинг энг яхши футболчисига бериладиган The Best мукофотига 12 нафар номзодни аниқлади. Бундай нуфузли мукофотга даъвогар бўлган 12 номзод жорий мавсумда қандай статистика кўрсатмоқда.
Хулиан Альварес (Манчестер Сити)
Альварес ўтган мавсумда "Манчестер Сити" билан требль ютди. Жорий мавсумда Хулиан “шаҳарликлар” сафида олтита ўйин ўтказиб, иккита гол урди ва битта голли узатмани амалга оширди.
Марсело Брозович (Интер/Ан-Наср)
"Интер" билан биргаликда Брозович Италия кубогини қўлга киритди ва Чемпионлар лигаси финалига ҳам чиқди. Жорий мавсумда Марсело “Ан-Насср” сафида 6 та ўйинда майдонга тушиб, битта гол урди ва битта голли узатмани амалга оширди.
Кевин Де Брюйне (Манчестер Сити)
Альварес каби Де Брюйне ҳам "Ман Сити" билан треблга эришди. Бу мавсумда Кевин иккита ўйин ўтказиб, битта гол урди. Футболчи айни дамда жароҳатидан фориғ бўлмоқда.
Илкай Гюндоган (Манчестер Сити/Барселона)
"Сити"даги муваффақиятли мавсумдан сўнг Илкай "Барселона"га кўчиб ўтди ва у ерда ҳозиргача тўртта ўйин ўтказиб, иккита голли узатмани амалга оширди.
Эрлинг Холанд (Манчестер Сити)
Холанд Премьер-лигада бир мавсумда гол уриш бўйича рекорд ўрнатди (36) ва жорий мавсумда у олтита ўйинда майдонга тушиб, олтита гол урди ва битта голли узатмани амалга оширди.
Родри (Манчестер Сити)
Бу вариантни жуда кам одам кутганди, аммо Родри ўтган мавсумда тўлақонли юлдузга айланди ва ҳатто Чемпионлар Лигаси финалида ҳам гол урди. Жорий мавсумда испаниялик футболчи олтита ўйин ўтказиб, иккита гол урди ва иккита голли узатмани амалга оширди.
Хвича Кварацхелия (Наполи)
"Наполи" билан ўтган мавсумда Хвича Италия чемпионига айланди. Жорий мавсумда Кварацхелия иккита ўйин ўтказиб, битта голли узатмани амалга оширди.
Килиан Мбаппе (ПСЖ)
Мбаппе ўтган мавсумда Франция чемпионига айланди. Бу йил у Лига 1да учта ўйин ўтказиб, бешта гол урди.
Лионель Месси (ПСЖ/Интер Майами)
"ПСЖ" билан Месси Франция чемпионлигини қўлга киритди. "Интер Майами" билан эса Лео Лига кубогини қўлга киритди. Форвард янги жамоаси сафида 11 та ўйин ўтказиб, 11 та гол урди ва 5 та голга ассистентлик қилди.
Виктор Осимхен (“Наполи”)
Ўтган мавсумда Виктор Италия чемпиони бўлди. Жорий мавсумда Осимхен учта ўйин ўтказиб, учта гол урди.
Деклан Райс (Вест Хэм/Арсенал)
Райс “Вест Хэм” билан Конференциялар лигасида ва “Арсенал” билан Англия Суперкубогида ғолиб чиқди. Жорий мавсумда футболчи бешта ўйин ўтказиб, битта гол урди.
Бернарду Силва (Манчестер Сити)
Силва учун ўтган мавсумнинг энг ёрқин воқеаси Чемпионлар лигаси ярим финалида "Реал"га қарши ўйиндаги дубль бўлди. Янги мавсумда ярим ҳимоячи тўртта ўйин ўтказиб, бирорта самарали ҳаракат амалга ошира олмади.
