«Барселона»га «Тоттенхэм»нинг 19 ёшли марказий ҳимоячиси Лука Вушкович таклиф қилинди. Футболчи ҳозирда ижара асосида «Гамбург»да тўп тепмоқда.

Ушбу трансферни машҳур футбол агенти Пини Захави илгари сурмоқда, бироқ хорватиялик футболчи билан шартнома имзолаш ҳозирча «блауграна» режаларига кирмайди. «Камп Ноу»дагилар «Интер»дан Алессандро Бастони ёки «Тоттенхэм»дан Кристиан Ромеро каби тажрибали ҳимоячини сотиб олишни афзал кўришмоқда.

Бундан ташқари, «шпорлар» Вушковични сотиш эмас, балки у билан шартномани узайтириш ниятидалар. Бироқ жамоа Чемпионшипга тушиб кетса, фикрлари ўзгариши мумкин.

Ўтган ёзда «Тоттенхэм» ҳимоячини «Хайдук»дан 11 миллион еврога сотиб олиб, дарҳол Бундеслигага ижарага юборган эди. Бир йил ичида ўйинчининг бозор баҳоси 60 миллион еврогача кўтарилди.