"PSJ" himoyachisi Lyuka Ernandes "Nissa"dan uchralgan mag‘lubiyatdan (2:3) keyin jamoaning zaif tomonlari haqida o‘z fikrlari bilan o‘rtoqlashdi.
Parijliklar Kilian Mbappening dubliga qaramay, mavsumdagi ilk mag‘lubiyatini qabul qilishdi. Luis Enrike shogirdlarida Liga 1ning 5 turidan keyin bor-yo‘g‘i 8 ochko bor.
“Biz himoyada yaxshiroq o‘ynashimiz kerak. O‘z uyida uchta gol o‘tkazib yuborishni qabul qilib bo‘lmaydi. Muxlislarimiz oldida mag‘lub bo‘lish sharmandalik.
Jamoaga 11 nafar yangi kelgan, o‘yinga yangicha qarashga ega yangi murabbiy bor. Biz bunga ko‘nikishda davom etamiz. Biz murabbiyning talablariga ko‘nikishimiz kerak, bu vaqt talab etadi", - dedi o‘tgan yozda "Bavariya"dan "PSJ"ga o‘tgan Ernandes Prime Video Sport nashriga bergan intervyusida.
