"ПСЖ" ҳимоячиси Люка Эрнандес "Ницца"дан учралган мағлубиятдан (2:3) кейин жамоанинг заиф томонлари ҳақида ўз фикрлари билан ўртоқлашди.
Парижликлар Килиан Мбаппенинг дублига қарамай, мавсумдаги илк мағлубиятини қабул қилишди. Луис Энрике шогирдларида Лига 1нинг 5 туридан кейин бор-йўғи 8 очко бор.
“Биз ҳимояда яхшироқ ўйнашимиз керак. Ўз уйида учта гол ўтказиб юборишни қабул қилиб бўлмайди. Мухлисларимиз олдида мағлуб бўлиш шармандалик.
Жамоага 11 нафар янги келган, ўйинга янгича қарашга эга янги мураббий бор. Биз бунга кўникишда давом этамиз. Биз мураббийнинг талабларига кўникишимиз керак, бу вақт талаб этади", - деди ўтган ёзда "Бавария"дан "ПСЖ"га ўтган Эрнандес Prime Video Sport нашрига берган интервьюсида.
