"PSJ" bosh murabbiyi Luis Enrike "Nissa"dan uchralgan mag‘lubiyatdan so‘ng o‘z taassurotlari bilan o‘rtoqlashdi.
Parijliklar Liga 1 5-turi doirasidagi uy uchrashuvida ispaniyalik murabbiy boshchiligida ilk bor 2:3 hisobida imkoniyatni boy berishdi.
“Jamoaning o‘yinidan juda mamnunman. Agar o‘yinchilar 100 foiz borini bersa, nega shikoyat qilishim kerak? Biz yaxshilanishimiz kerakligini bilamiz, lekin men bundan xavotir olmayman.
Bu juda qiyin edi. "Nissa" bizga qarshi o‘ynadi, ajoyib o‘yin ko‘rsatdi va bu mavsumda hech qachon mag‘lub bo‘lmadi. Biz yuqori pressing qilishga harakat qildik, biroq raqiblar yaxshi edi, biz ularni faqat tabriklab, o‘z ustimizda ishlashda davom etishimiz mumkin”, — dedi Enrike Prime Video Sport nashriga bergan intervyusida.
