"ПСЖ" бош мураббийи Луис Энрике "Ницца"дан учралган мағлубиятдан сўнг ўз таассуротлари билан ўртоқлашди.
Парижликлар Лига 1 5-тури доирасидаги уй учрашувида испаниялик мураббий бошчилигида илк бор 2:3 ҳисобида имкониятни бой беришди.
“Жамоанинг ўйинидан жуда мамнунман. Агар ўйинчилар 100 фоиз борини берса, нега шикоят қилишим керак? Биз яхшиланишимиз кераклигини биламиз, лекин мен бундан хавотир олмайман.
Бу жуда қийин эди. "Ницца" бизга қарши ўйнади, ажойиб ўйин кўрсатди ва бу мавсумда ҳеч қачон мағлуб бўлмади. Биз юқори прессинг қилишга ҳаракат қилдик, бироқ рақиблар яхши эди, биз уларни фақат табриклаб, ўз устимизда ишлашда давом этишимиз мумкин”, — деди Энрике Prime Video Sport нашрига берган интервьюсида.
