Мадриднинг «Реал» клуби ёзги трансфер ойнасида мудофаа чизиғини кучайтириш билан шуғулланади. Янги мавсумда жамоани ким бошқариши ҳозирча номаълум бўлса-да, «қаймоқранглилар» раҳбарияти таркибда ўзгаришлар зарурлигини аллақачон тушуниб етган.

Журналист Хосеп Педреролнинг хабар беришича, «қироллик клуби» камида учта янги ҳимоячини сотиб олади. Бу трансфер бозорида «Реал» учун устувор вазифа этиб белгиланган. Альваро Арбелоа жамоаси Ла Лига турнир жадвалида пешқадам «Барселона»дан 11 очко ортда қолган ҳолда иккинчи ўринни эгаллаб турибди. Катта эҳтимол билан, мадридликларнинг ҳозирги устози мавсум якунланганидан кейин ўз лавозимини тарк этади.

3 май куни «Реал» чемпионатнинг 34-тури доирасида сафарда «Эспаньол»га қарши майдонга тушади.