Madridning «Real» klubi yozgi transfer oynasida mudofaa chizig‘ini kuchaytirish bilan shug‘ullanadi. Yangi mavsumda jamoani kim boshqarishi hozircha noma’lum bo‘lsa-da, «qaymoqranglilar» rahbariyati tarkibda o‘zgarishlar zarurligini allaqachon tushunib yetgan.
Jurnalist Xosep Pedrerolning xabar berishicha, «qirollik klubi» kamida uchta yangi himoyachini sotib oladi. Bu transfer bozorida «Real» uchun ustuvor vazifa etib belgilangan. Alvaro Arbeloa jamoasi La Liga turnir jadvalida peshqadam «Barselona»dan 11 ochko ortda qolgan holda ikkinchi o‘rinni egallab turibdi. Katta ehtimol bilan, madridliklarning hozirgi ustozi mavsum yakunlanganidan keyin o‘z lavozimini tark etadi.
3 may kuni «Real» chempionatning 34-turi doirasida safarda «Espanyol»ga qarshi maydonga tushadi.
