«Манчестер Сити» ҳужумчиси Эрлинг Холанд Чемпионлар лигаси ярим финали доирасидаги «ПСЖ» ва «Бавария» ўртасидаги учрашувни томоша қилиш жараёнидаги таассуротлари билан ўртоқлашди.

Жамоалар бир-бирларига тўққизта гол уриб (5:4), турнирнинг ярим финал босқичида сермаҳсуллик бўйича рекорд ўрнатишди. Учрашув давом этаётган бир пайтда норвегиялик форвард қисқача изоҳ қолдирди.

«Бу футбол», – деб ёзди Холанд ижтимоий тармоқлардаги саҳифасида ўйиндан олинган суратни илова қилган ҳолда.

Жавоб ўйини 6 май куни Мюнхенда бўлиб ўтади. Финалнинг иккинчи йўлланмаси учун Лондоннинг «Арсенал» ва Мадриднинг «Атлетико» жамоалари баҳс олиб боришади.

Эрлинг Холанд «Манчестер Сити» таркибида турнирдаги иштирокини 1/8 финал босқичидаёқ якунлаган эди – «шаҳарликлар» Мадриднинг «Реал» клубига имкониятни бой беришган.