Испания Ла Лигаси президенти Хавьер Тебас «Барселона»нинг жорий мавсумдаги муваффақиятлари ҳақида фикр билдирди.

Каталонияликлар мавсумни 100 очколик кўрсаткич билан якунлашлари мумкин – бунинг учун чемпионатда қолган барча бешта ўйинда, жумладан, Мадриднинг «Реал» клубига қарши баҳсда ҳам ғалаба қозониш талаб этилади.

«Менга жамоаларнинг 100 очко тўплаши ёқмайди. Бу жуда кўп. Тўғри, «Реал» ва «Атлетико» кўп очко йўқотди ва ўз даражасидан паст иштирок этди, лекин чемпионнинг 90 очкодан кўп жамғаришини хушламайман», – дея Тебаснинг «кўк-анорранглилар»нинг эҳтимолий рекорди ҳақидаги саволга берган жавобидан иқтибос келтирмоқда Managing Barca.

Навбатдаги турда Ханс-Дитер Флик шогирдлари «Осасуна» меҳмони бўлишади. Учрашув 2 май куни бўлиб ўтади.