"Inter" Milan derbisida Aleksis Sanches va Xuan Kuadrado xizmatlaridan foydalanishi mumkin.
Har ikki futbolchi sog‘lig‘idagi muammolar tufayli terma jamoalarining so‘nggi o‘yinlarini o‘tkazib yuborgan edi. Jurnalist Simone Togna xabar berishicha, juma kuni Sanches va Kuadrado umumiy guruhda to‘liq mashg‘ulot o‘tkazishdi. Chililik va kolumbiyalik futbolchi A Seriyada shanba kuni bo‘lib o‘tadigan "Milan"ga qarshi o‘yinda maydonga tushishi mumkin.
Aleksis Sanches avgust oyi oxirida "Inter"ga qaytdi. U "Marsel" bilan shartnomasi tugaganidan keyin erkin agentga aylangandi. Avvalroq “Yuventus”da o‘ynagan Xuan Kuadrado ham “neradzurri” safiga erkin agent sifatida ko‘chib o‘tdi.
