"Интер" Милан дербисида Алексис Санчес ва Хуан Куадрадо хизматларидан фойдаланиши мумкин.
Ҳар икки футболчи соғлиғидаги муаммолар туфайли терма жамоаларининг сўнгги ўйинларини ўтказиб юборган эди. Журналист Симоне Тогна хабар беришича, жума куни Санчес ва Куадрадо умумий гуруҳда тўлиқ машғулот ўтказишди. Чилилик ва колумбиялик футболчи А Серияда шанба куни бўлиб ўтадиган "Милан"га қарши ўйинда майдонга тушиши мумкин.
Алексис Санчес август ойи охирида "Интер"га қайтди. У "Марсель" билан шартномаси тугаганидан кейин эркин агентга айланганди. Аввалроқ “Ювентус”да ўйнаган Хуан Куадрадо ҳам “нерадзурри” сафига эркин агент сифатида кўчиб ўтди.
