Avvalroq, "Navbahor" rasmiy telegram kanali orqali "lochinlar"ning ertaga “Al-Hilol”ga qarshi kechadigan bahsini “Markaziy” stadionidagi katta monitorda jonli efirda namoyish etish rejalashtirilayotgani va bu borada ishlar olib borilayotgani to‘g‘risida xabar berilgandi.
Ammo, uchrashuv videoyozuvini Saudiya Arabistonidan olishda qiyinchiliklar yuz berishi, o‘yin translyasiyasi borasida ayrim texnik muammolar yuzaga kelganligi, qolaversa, o‘yin Toshkent vaqti bilan soat 23:00 da namoyish etilishi, bu esa ko‘pchilik muxlislarga qiyinchilik tug‘dirishini inobatga olgan holda, mazkur o‘yin “Markaziy” stadionidagi katta monitorda jonli efirda namoyish etilmaydigan bo‘ldi. Bu xaqda klub rasmiy telegram-kanali xabar berdi.
