Аввалроқ, "Навбаҳор" расмий телеграм канали орқали "лочинлар"нинг эртага “Ал-Ҳилол”га қарши кечадиган баҳсини “Марказий” стадионидаги катта мониторда жонли эфирда намойиш этиш режалаштирилаётгани ва бу борада ишлар олиб борилаётгани тўғрисида хабар берилганди.
Аммо, учрашув видеоёзувини Саудия Арабистонидан олишда қийинчиликлар юз бериши, ўйин трансляцияси борасида айрим техник муаммолар юзага келганлиги, қолаверса, ўйин Тошкент вақти билан соат 23:00 да намойиш этилиши, бу эса кўпчилик мухлисларга қийинчилик туғдиришини инобатга олган ҳолда, мазкур ўйин “Марказий” стадионидаги катта мониторда жонли эфирда намойиш этилмайдиган бўлди. Бу хақда клуб расмий телеграм-канали хабар берди.
