"Atletiko"ning hujumkor yarim himoyachisi Toma Lemar jiddiy jarohat oldi - Axilles paylari yorilib ketdi. Madrid klubi 27 yoshli fransiyalik futbolchi operasiya qilingani haqida allaqachon xabar bergan edi. ElDesmarc xabariga ko‘ra, bunday jarohatdan tiklanish odatda besh oydan olti oygacha davom etadi. Shunday qilib, Lemar 2024 yilda futbol maydoniga qaytishi mumkin bo‘ladi.

Shanba kuni "Atletiko" Ispaniya chempionatining 5-turida "Valensiya"ga yirik hisobda - 0:3 hisobida mag‘lub bo‘ldi. Diyego Simeone shogirdlari navbatdagi o‘yinini 19 sentyabr, seshanba kuni Chempionlar ligasi doirasida “Lasio”ga qarshi o‘tkazadi.