Yakshanba oqshomida “Sevilya” Ispaniya chempionati doirasidagi uy uchrashuvini “Las-Palmas”ga qarshi o‘tkazdi (1:0).
Himoyachi Serxio Ramos Andalusiya jamoasining asosiy tarkibidan joy oldi. Bu uning o‘z klubiga qaytganidan keyingi ilk o‘yini bo‘ldi.
Ramos “Sevilya” safida oxirgi marta 2005 yilning 28 avgustida o‘ynagan, ya’ni bundan 6594 kun avval. Shundan so‘ng himoyachi "Real Madrid"ga o‘tdi.
Jurnalist Uill Jeansning ijtimoiy tarmoqlarda qayd etishicha, 2005 yil 28 avgust kuni “Rasing”ga qarshi o‘yinda Ramos 1969 yilda tug‘ilgan Pablo Alfaro bilan birga o‘ynagan. Bugun "Sevilya"da 2003 yilda tug‘ilgan Xuanlu zaxirada.
