Madridning “Real” klubi hujumchisi Xoselu Ispaniya chempionatining 5-turi doirasidagi “Real Sosyedad” darvozasiga urgan goli haqida fikr bildirdi. Uchrashuv “qaymoqranglilar”ning 2:1 hisobidagi g‘alabasi bilan yakunlandi.
“Gol urganimdan juda xursandman. Bu "Real Madrid"ning g‘alaba qozonishiga yordam beradi va meni xursand qiladi. G‘alabalarga hissa qo‘shganimdan xursandman. Menda bo‘lgan daqiqalardan unumli foydalanishga harakat qilaman. Biz juda yaxshi ish qildik", - dedi hujumchi AS bilan suhbatda.
Kechagi muvaffaqiyat evaziga madridliklar ochkolari sonini 15taga yetkazdi. Karlo Anchelotti jamoasi Ispaniya chempionati turnir jadvalida peshqadamlik qilmoqda.
