Мадриднинг “Реал” клуби ҳужумчиси Хоселу Испания чемпионатининг 5-тури доирасидаги “Реал Сосьедад” дарвозасига урган голи ҳақида фикр билдирди. Учрашув “қаймоқранглилар”нинг 2:1 ҳисобидаги ғалабаси билан якунланди.
“Гол урганимдан жуда хурсандман. Бу "Реал Мадрид"нинг ғалаба қозонишига ёрдам беради ва мени хурсанд қилади. Ғалабаларга ҳисса қўшганимдан хурсандман. Менда бўлган дақиқалардан унумли фойдаланишга ҳаракат қиламан. Биз жуда яхши иш қилдик", - деди ҳужумчи AS билан суҳбатда.
Кечаги муваффақият эвазига мадридликлар очколари сонини 15тага етказди. Карло Анчелотти жамоаси Испания чемпионати турнир жадвалида пешқадамлик қилмоқда.
