Мадриднинг «Атлетико» клуби ҳужумчиси Хулиан Альварес «Манчестер Сити»га қайтишни режалаштирмаяпти.

«Шаҳарликлар» «Атлетико» сафида қолишни истамаётган аргентиналик футболчини ижарага олишга тайёр эди. Cadena SER журналисти Педро Фульяна маълумотига кўра, Альварес бу вариантга қизиқиш билдирмаган ва Премьер-лига грандининг таклифини рад этган. Футболчининг Англияга қайтиш нияти йўқ.

Хулиан Альварес учун фаолиятини давом эттиришда устувор вариант ҳамон «Барселона» бўлиб қолмоқда. Бироқ «Атлетико» ўз етакчисини каталонияликларга сотиш имкониятини бутунлай рад этмоқда.

26 ёшли ҳужумчига қизиқиш билдираётган яна бир клуб — «Арсенал».