Italiyaning “Roma” klubi A Seriya 4-turidan o‘rin olgan o‘yinda “Empoli”ni mag‘lub etdi – 7:0. Rimliklar bundan 17 yil avval "Kataniya" bilan o‘yinda 7:0 hisobida zafar quchgan edi.
"Empoli" o‘z navbatida tarixda birinchi marta A Seriya o‘yinida 5 tadan ko‘p gol o‘tkazib yubordi.
Bu g‘alaba “Roma”ning joriy mavsumdagi A Seriyadagi ilk g‘alabasi bo‘ldi. Jamoa hozirda to‘rt ochko jamg‘argan holda turnir jadvalida 12-o‘ringa ko‘tarilib oldi. “Empoli” hali ham ochko ololmadi va turnir jadvalida oxirgi o‘rinda bormoqda.
Rim klubi navbatdagi o‘yinini Tiraspolda o‘tkazadi. Ular Yevropa ligasi guruh bosqichining birinchi turida “Sherif”ga qarshi bahs olib boradi.