Италиянинг “Рома” клуби А Серия 4-туридан ўрин олган ўйинда “Эмполи”ни мағлуб этди – 7:0. Римликлар бундан 17 йил аввал "Катания" билан ўйинда 7:0 ҳисобида зафар қучган эди.
"Эмполи" ўз навбатида тарихда биринчи марта А Серия ўйинида 5 тадан кўп гол ўтказиб юборди.
Бу ғалаба “Рома”нинг жорий мавсумдаги А Сериядаги илк ғалабаси бўлди. Жамоа ҳозирда тўрт очко жамғарган ҳолда турнир жадвалида 12-ўринга кўтарилиб олди. “Эмполи” ҳали ҳам очко ололмади ва турнир жадвалида охирги ўринда бормоқда.
Рим клуби навбатдаги ўйинини Тирасполда ўтказади. Улар Европа лигаси гуруҳ босқичининг биринчи турида “Шериф”га қарши баҳс олиб боради.
