Argentinaning “Boka Xuniors” klubi himoyachisi Valentin Barko Yevropaning yana bir klubi nishoniga aylandi. Todofichajes xabariga ko‘ra, "Atletiko Madrid" 19 yoshli futbolchini o‘z safiga qo‘shib olmoqchi.
"Matraschilar" o‘yinchi uchun Angliyaning "Brayton" jamoasi bilan raqobatlashishga tayyor, ingliz klubi avvalroq Barko bilan shartnoma imzolash istagini e’lon qilgandi. Shuningdek, Valentinga "Manchester Siti" tomonidan ham qiziqish bildirilgan edi.
O‘tgan mavsumda himoyachi Argentina jamoasi safida 18 ta o‘yinda qatnashib, bitta gol va ikkita golli uzatmaga mualliflik qilgan.
