Jaloliddin Masharipov manfaatlarini himoya qiluvchi agent Ro‘zimurod Usmonov rus nashri bilan suhbatda “Lokomotiv” O‘zbekiston terma jamoasi yarim himoyachisiga qiziqish bildirayotgani haqidagi ma’lumotni tasdiqladi.
Avvalroq, jurnalist Ivan Karpov o‘zining Telegram-kanalida Masharipovning Moskva klubiga o‘tishi mumkinligi haqida xabar bergan edi.
“Lokomotiv”dan Masharipovga qiziqish bor edi. Lekin klub o‘rinlar bo‘yicha boshqa ustuvorliklarga ega edi. Biz hozirda Rossiyadan keladigan variantlarni ko‘rib chiqmayapmiz. Tez orada Masharipovning yangi klubi haqida xabarlar bo‘ladi, ammo bu jamoa RPLdan emas”, - dedi Usmonov.
29 yoshli o‘zbekistonlik futbolchi 2021 yilning yanvaridan 2023 yilning avgustigacha “An-Nasr” safida o‘ynadi. U jami 45 ta o‘yin o‘tkazib, 4 ta gol urgan va 8 ta golli uzatmani amalga oshirgan.
