Жалолиддин Машарипов манфаатларини ҳимоя қилувчи агент Рўзимурод Усмонов рус нашри билан суҳбатда “Локомотив” Ўзбекистон терма жамоаси ярим ҳимоячисига қизиқиш билдираётгани ҳақидаги маълумотни тасдиқлади.

Аввалроқ, журналист Иван Карпов ўзининг Телеграм-каналида Машариповнинг Москва клубига ўтиши мумкинлиги ҳақида хабар берган эди.

“Локомотив”дан Машариповга қизиқиш бор эди. Лекин клуб ўринлар бўйича бошқа устуворликларга эга эди. Биз ҳозирда Россиядан келадиган вариантларни кўриб чиқмаяпмиз. Тез орада Машариповнинг янги клуби ҳақида хабарлар бўлади, аммо бу жамоа РПЛдан эмас”, - деди Усмонов.

29 ёшли ўзбекистонлик футболчи 2021 йилнинг январидан 2023 йилнинг августигача “Ан-Наср” сафида ўйнади. У жами 45 та ўйин ўтказиб, 4 та гол урган ва 8 та голли узатмани амалга оширган.