Robert Levandovski yevrokuboklarda 100 va undan ortiq gol urgan uchinchi futbolchiga aylandi.
Chempionlar ligasi guruh bosqichining “Antverpen”ga qarshi o‘yinida “Barselona” forvardi o‘zining yevrokuboklardagi 100-golini urdi. Levandovskining hisobida Chempionlar ligasida 92 ta, Yevropa ligasining turli bosqichlarida 8 ta gol bor. Buning uchun unga 139 ta o‘yin kerak bo‘ldi.
Polyak Yevropa turnirlarida “Lex” safida 16 o‘yinda 6 ta, Dortmundning “Borussiya”sida 36 ta o‘yinda 18 ta, “Bavariya” safida 79 ta o‘yinda 69 ta va “Barsa” uchun 8 ta o‘yinda 7 ta gol urgan.
Levandovskigacha yevrokuboklarda faqat Lionel Messi (129 gol) va Krishtianu Ronaldu (145 gol) 100 ta golga erisha olgandi.
