Роберт Левандовски еврокубокларда 100 ва ундан ортиқ гол урган учинчи футболчига айланди.

Чемпионлар лигаси гуруҳ босқичининг “Антверпен”га қарши ўйинида “Барселона” форварди ўзининг еврокубоклардаги 100-голини урди. Левандовскининг ҳисобида Чемпионлар лигасида 92 та, Европа лигасининг турли босқичларида 8 та гол бор. Бунинг учун унга 139 та ўйин керак бўлди.

Польяк Европа турнирларида “Лех” сафида 16 ўйинда 6 та, Дортмунднинг “Боруссия”сида 36 та ўйинда 18 та, “Бавария” сафида 79 та ўйинда 69 та ва “Барса” учун 8 та ўйинда 7 та гол урган.

Левандовскигача еврокубокларда фақат Лионель Месси (129 гол) ва Криштиану Роналду (145 гол) 100 та голга эриша олганди.