Yulduz hujumchi Lionel Messi "Inter Mayami"ning "Toronto"ga qarshi bo‘lib o‘tadigan MLS o‘yinida yordam berishi mumkin, deb xabar beradi ESPN Argentina. Leoning asosiy tarkibda yoki zaxiradan maydonga tushishi hali aniqlanmagan.
Eslatib o‘tamiz, 36 yoshli hujumchi mushaklaridagi charchoq tufayli jamoasining so‘nggi "Atlanta Yunayted"ga (2:5) qarshi o‘yinini o‘tkazib yuborgandi. 19 sentyabr, seshanba kuni argentinalik futbolchi “Inter”ning umumiy tayyorgarlik guruhiga qaytdi.
Messi yozgi transfer oynasida Florida jamoasiga qo‘shildi. U 2025 yil oxirigacha shartnoma imzoladi. Lionel “Inter Mayami” safida 11 ta o‘yin o‘tkazib, 11 ta gol urdi va 5 ta golli uzatmani amalga oshirdi.