Юлдуз ҳужумчи Лионель Месси "Интер Майами"нинг "Торонто"га қарши бўлиб ўтадиган МЛС ўйинида ёрдам бериши мумкин, деб хабар беради ESPN Аргентина. Леонинг асосий таркибда ёки захирадан майдонга тушиши ҳали аниқланмаган.
Эслатиб ўтамиз, 36 ёшли ҳужумчи мушакларидаги чарчоқ туфайли жамоасининг сўнгги "Атланта Юнайтед"га (2:5) қарши ўйинини ўтказиб юборганди. 19 сентябрь, сешанба куни аргентиналик футболчи “Интер”нинг умумий тайёргарлик гуруҳига қайтди.
Месси ёзги трансфер ойнасида Флорида жамоасига қўшилди. У 2025 йил охиригача шартнома имзолади. Лионел “Интер Майами” сафида 11 та ўйин ўтказиб, 11 та гол урди ва 5 та голли узатмани амалга оширди.
