Madridning “Real” klubi himoyachisi Nacho Chempionlar ligasi guruh bosqichi 1-turida “Union” ustidan qozonilgan g‘alabadan keyin (1:0) jamoadoshi Jud Bellingemning o‘yini haqida gapirdi.
20 yoshli ingliz futbolchisi 90+4-daqiqada g‘alaba golini kiritdi.
"Jud "Real"da o‘ynash uchun tug‘ilgan. U biz bilan birga bo‘lgani va u ko‘p gol urishda davom etayotganidan baxtiyormiz", - deya Nacho so‘zlarini keltirmoqda AS.
Bellingem yozgi transfer oynasida Dortmundning "Borussiya"sidan "Real"ga o‘tgan edi. O‘shandan beri u madridliklar safida 6 ta o‘yin o‘tkazib, 6 ta gol urdi va 1 ta golli uzatmani amalga oshirdi.
