Мадриднинг “Реал” клуби ҳимоячиси Начо Чемпионлар лигаси гуруҳ босқичи 1-турида “Унион” устидан қозонилган ғалабадан кейин (1:0) жамоадоши Жуд Беллингемнинг ўйини ҳақида гапирди.

20 ёшли инглиз футболчиси 90+4-дақиқада ғалаба голини киритди.

"Жуд "Реал"да ўйнаш учун туғилган. У биз билан бирга бўлгани ва у кўп гол уришда давом этаётганидан бахтиёрмиз", - дея Начо сўзларини келтирмоқда AS.

Беллингем ёзги трансфер ойнасида Дортмунднинг "Боруссия"сидан "Реал"га ўтган эди. Ўшандан бери у мадридликлар сафида 6 та ўйин ўтказиб, 6 та гол урди ва 1 та голли узатмани амалга оширди.