«Lasio» darvozaboni Ivan Provedel Rossiya fuqaroligini olishni rejalashtirmayapti. Bu haqda italiyalik futbolchining agenti Janni Rava ma’lum qildi.

«Ivan Rossiya fuqaroligini olishni rejalashtirmayapti. Rossiya terma jamoasi va Rossiya Premyer-ligasi klublarining qiziqishiga kelsak, u yerdan bizga hozircha hech kim qo‘ng‘iroq qilgani yo‘q», - deya agentdan iqtibos keltiradi RIA Novosti.

E’tiborlisi, 29 yoshli Provedelning onasi rossiyalik va otasi italiyalikdir. O‘tgan seshanba, 19 sentyabr kuni Chempionlar ligasi guruh bosqichi 1-turidan o‘rin olgan «Atletiko»ga qarshi o‘yinda darvozabon gol urib, jamoasiga uchrashuv yakunida mag‘lubiyatdan qutulib qolish imkonini berdi (1:1).