«Лацио» дарвозабони Иван Проведель Россия фуқаролигини олишни режалаштирмаяпти. Бу ҳақда италиялик футболчининг агенти Жанни Рава маълум қилди.
«Иван Россия фуқаролигини олишни режалаштирмаяпти. Россия терма жамоаси ва Россия Премьер-лигаси клубларининг қизиқишига келсак, у ердан бизга ҳозирча ҳеч ким қўнғироқ қилгани йўқ», - дея агентдан иқтибос келтиради РИА Новости.
Эътиборлиси, 29 ёшли Проведелнинг онаси россиялик ва отаси италияликдир. Ўтган сешанба, 19 сентябрь куни Чемпионлар лигаси гуруҳ босқичи 1-туридан ўрин олган «Атлетико»га қарши ўйинда дарвозабон гол уриб, жамоасига учрашув якунида мағлубиятдан қутулиб қолиш имконини берди (1:1).
