"Manchester Yunayted"ning sobiq vingeri Jessi Lingard mast holda avtomobil haydagani uchun 18 oyga haydovchilik guvohnomasidan mahrum etildi.
30 yoshli Lingard 8 iyul kuni Manchester chekkasida mast holda mashina haydab ketayotganida qo‘lga olindi. Tezkor test shuni ko‘rsatdiki, Jessi alkogolning qonuniy chegarasidan ikki baravar ko‘proq chiqdi.
Polisiya Lingardni o‘zining Lamborghini Urus mashinasini boshqa sport mashinasi bilan poyga qilayotganida gumon qilib, to‘xtatdi.
Sudda paydo bo‘lgan Lingard o‘z advokati orqali spirtli ichimliklarni iste’mol qilishda aybini tan oldi, ammo poyga haqidagi shubhalarni rad etdi. Shuningdek, Jessining advokati futbolchini haydovchisi o‘sha kuni ishlamaganini ham tushuntirdi.
Natijada Lingard 18 oyga mashina haydash huquqidan mahrum bo‘ldi - mavjud olti oylik taqiqdan tashqari. Jessi shuningdek, 61 ming funt jarima to‘laydi, deya xabar bermoqda Daily Mirror nashri.
Qayd etish kerakki, 30 yoshli angliyalik futbolchi hozirda klubsiz va "Vest Xem" tarkibida formasini saqlab turibdi.
