«Fulxem» bosh murabbiyi Marko Silva jamoa yarim himoyachisi Joau Palinyaning qishki transfer oynasida ketishi mumkinligi haqidagi savolga javob berdi.
«Men kelajakni nazorat qila olmayman, bu Joau bilan bog‘liq vaziyatga tegishli. Palinya qolishi va o‘ynashda davom etishi mumkin, u asosiy o‘yinchi», - deya murabbiyning so‘zlarini keltiradi Standard Sport.
Eslatib o‘tamiz, o‘tgan yozda 28 yoshli portugaliyalik futbolchi «Bavariya»ga o‘tishi mumkin edi, ammo «Fulxem» bilan shartnomasini uzaytirishga qaror qilgandi.
Tomonlar o‘rtasidagi yangi kelishuv 2028 yilgacha amal qiladi. Transfermarkt ma’lumotlariga ko‘ra, Palinyaning narxi 40 million yevro.
