«Фулхэм» бош мураббийи Марко Силва жамоа ярим ҳимоячиси Жоау Палиньянинг қишки трансфер ойнасида кетиши мумкинлиги ҳақидаги саволга жавоб берди.
«Мен келажакни назорат қила олмайман, бу Жоау билан боғлиқ вазиятга тегишли. Палинья қолиши ва ўйнашда давом этиши мумкин, у асосий ўйинчи», - дея мураббийнинг сўзларини келтиради Standard Sport.
Эслатиб ўтамиз, ўтган ёзда 28 ёшли португалиялик футболчи «Бавария»га ўтиши мумкин эди, аммо «Фулхэм» билан шартномасини узайтиришга қарор қилганди.
Томонлар ўртасидаги янги келишув 2028 йилгача амал қилади. Transfermarkt маълумотларига кўра, Палиньянинг нархи 40 миллион евро.