Himoyachi Nacho Fernandes joriy mavsum oxirida "Real"ni tark etishi mumkin, bu haqda Todofichajes portali xabar bermoqda.
Manbaga ma’lum bo‘lishicha, "Real" rahbariyati futbolchining kelasi yilning o‘rtalariga qadar amal qiladigan shartnomasini uzaytirishni rejalashtirmayapti. Shu tariqa Fernandes yozda jamoasini almashtiradi. Himoyachida faoliyatini Italiya chempionatida davom ettirish imkoniyatlari bor. Nacho xizmatlariga "Napoli" va "Roma" klublari qiziqish bildirmoqda.
33 yoshli himoyachi 2012 yilning sentyabridan beri "Real Madrid" sharafini himoya qilib kelmoqda. Uning transfer narxi olti million yevro.