Ҳимоячи Начо Фернандес жорий мавсум охирида "Реал"ни тарк этиши мумкин, бу ҳақда Todofichajes портали хабар бермоқда.
Манбага маълум бўлишича, "Реал" раҳбарияти футболчининг келаси йилнинг ўрталарига қадар амал қиладиган шартномасини узайтиришни режалаштирмаяпти. Шу тариқа Фернандес ёзда жамоасини алмаштиради. Ҳимоячида фаолиятини Италия чемпионатида давом эттириш имкониятлари бор. Начо хизматларига "Наполи" ва "Рома" клублари қизиқиш билдирмоқда.
33 ёшли ҳимоячи 2012 йилнинг сентябридан бери "Реал Мадрид" шарафини ҳимоя қилиб келмоқда. Унинг трансфер нархи олти миллион евро.