"Barselona" bosh murabbiyi Xavi mavsumni yaxshi boshlagani uchun hujumchi Joau Feliksni olqishladi. Portugaliyalik futbolchi yozda Madridning “Atletiko” klubidan ijara asosida kelgan edi.
“Feliks hujumdagi xilma-xilligi va chuqur o‘ynash kerakligini tushungani uchun juda foydali bo‘ldi. U o‘yinga juda mos tushadi va chiziqlar orasidagi yana bir yarim himoyachi bo‘la oladi, bu bizga katta yordam beradi. Hujumlar yaratishda to‘pni deyarli yo‘qotmaydi. Unga oson o‘ynash kerak bo‘lsa, u oson o‘ynaydi va bundan nafaqat Levandovski, balki butun jamoa foyda oladi. Gyundogan aniq butun jamoani takomillashtirmoqda. Juda yuqori saviyadagi futbolchilar ko‘p va bu juda muhim", - deya Xavidan iqtibos keltiradi L'Equipe.
2023/24 yilgi mavsumda 23 yoshli portugaliyalik barcha turnirlarda 3 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
