"Arsenal" yarim himoyachisi Deklan Rays yakshanba kuni "Tottenxem"ga qarshi kechgan APL o‘yinining (2:2) tanaffus paytida almashtirildi. O‘yindan so‘ng London jamoasi ustozi Mikel Arteta Raysning belida noqulaylik sezayotganini aytdi.
Dushanba kuni futbolchi tibbiy ko‘rikdan o‘tdi va "kanonirlar" safida Rays ko‘p vaqtni o‘tkazib yuboradi degan qo‘rquv barham topdi.
Daily Mail nashri xabariga ko‘ra, Rays "Arsenal"ning bo‘lajak o‘yinlarini o‘tkazib yuborishi mumkin, ammo u, albatta, 8 oktyabr kuni "Manchester Siti"ga qarshi o‘yinga tayyor bo‘ladi.
"Arsenal" ayni damda Angliya chempionati turnir jadvalida beshinchi o‘rinni egallab turibdi.
