Xanchjou-2022 Osiyo O‘yinlarining navbatdagi kuni boshlandi. Hozirgina erkaklar 10 metr masofada to‘pponchadan o‘q otish bo‘yicha jamoaviy bahslarda ishtirok etishdi.

Bunda har bir mamlakatdan 3 nafardan sportchi ishtirok etdi va ularning har biriga 60tadan o‘q otish imkoniyati berildi.

Muhammad Kamolov, Vladimir Svechnikov va Venyamin Nikitindan iborat jamoamiz bahslarning katta qismida oldinda borishdi. Ammo eng so‘nggi 6-urinishda o‘zbekistonliklardan omad yuz o‘girdi va merganlarimiz yakunda 4-o‘ringa tushib qolishdi.

Ushbu bahslar yakkalik o‘rtasida musobaqaning final bosqichi uchun saralash vazifasini o‘tab berdi. Vladimir Svechnikov 579 ball bilan 6-o‘rinni egalladi va final bosqichi yo‘llanmasini qo‘lga kiritdi.

To‘pponchada o‘q otish, 10 metr, erkaklar, jamoaviy

1. Hindiston — 1734
2. Xitoy — 1733
3. Vyetnam — 1730
4. O‘zbekiston — 1727