Londonning “Arsenal” klubi yarim himoyachisi Fabiu Viyeyra jamoa bosh murabbiyi Mikel Arteta haqida gapirdi.
“Mikel murabbiy sifatida bizga har bir o‘yinda g‘alaba qozonishimiz uchun zarur bo‘lgan barcha ma’lumotlarni beradi. Agar shunday fazilatlarga ega murabbiy bo‘lsa, maydonda sizga osonroq bo‘ladi, chunki hamma uni tushunadi va o‘yinni yaxshilaydi", - deya Viyeyraning so‘zlarini keltiradi «kanonirlar» matbuot xizmati.
Ushbu mavsumda portugaliyalik yarim himoyachi barcha musobaqalarda oltita o‘yinda maydonga tushdi va ikkita golli uzatmani amalga oshirdi.
