O‘zbekiston Superligasining 20-turidan o‘rin olgan “Navbahor” – “Turon” jamoalari o‘rtasidagi uchrashuv arafasida “lochinlar”ning chernogoriyalik 27 yoshli tajribali himoyachisi Milosh Milovich bo‘lajak o‘yin haqidagi fikrlari bilan o‘rtoqlashdi.

- Bo‘lajak bahs “vodiy derbisi” maqomiga ega. Garchi bu galgi raqibimiz – “Turon” turnir jadvalining so‘nggi pog‘onasini egallab turgan bo‘lsada, derbi o‘yinlari doimo keskin kurashlar ostida kechadi. Bundan tashqari, mehmonlarga ochko suv va havodek zarur. Shu bois, ushbu bahsning ham keskin kurashlar ostida, shiddatli, tomoshabop va qiziqarli tarzda kechishi ehtimoli yuqori.  

Xabaringiz bor, o‘tgan turda Andijonda bo‘lib o‘tgan “vodiy derbisi”da hakam tomonidan qo‘shib berilgan vaqtda o‘z darvozamizdan to‘p o‘tkazib yuborib, ishqibozlarni ranjitib qo‘ygandik.

Shu bois, bo‘lajak bahsda g‘alaba qozonib, muxlislarimizning stadiondan uylariga yaxshi kayfiyatda qaytishlarini ta’minlash uchun barcha imkoniyatimizni ishga solamiz.

“Navbahor” joriy mavsumda o‘zi qatnashadigan barcha musobaqalarda zafar quchishni maqsad qilgan.   

Buni amalga oshirish uchun esa biz – futbolchilar qo‘ldan kelganicha harakat qilamiz.

“Navbahor” PFK matbuot xizmati.