«Yuventus» sport direktori Kristian Juntoli Turin klubi Dushan Vlaxovichni yozda sotishi mumkinligini tan oldi.

Eslatib o‘tamiz, serbiyalik futbolchiga asosiy da’vogar Londonning «Chelsi» jamoasi bo‘lgan.

«Biz «Chelsi»dan Vlaxovich transferi bo‘yicha og‘zaki taklif oldik. Taklif yaxshi bo‘lmagani uchun bizga mos kelmadi. Agar yaxshi taklif tushsa, Dushanni qo‘yib yuborishga tayyor edik, ammo «Chelsi» transfer shartlarini yaxshilamadi.

Hatto Romelu Lukaku bilan almashinuvning bir qismi hisobga olingan bo‘lsa ham», - dedi Juntoli.

Vlaxovich joriy mavsum Italiya chempionatida 4 ta gol urdi. Shuningdek, hujumchi turnirda bitta golli uzatmaga ham ega.