«Ювентус» спорт директори Кристиан Жунтоли Турин клуби Душан Влаховични ёзда сотиши мумкинлигини тан олди.
Эслатиб ўтамиз, сербиялик футболчига асосий даъвогар Лондоннинг «Челси» жамоаси бўлган.
«Биз «Челси»дан Влахович трансфери бўйича оғзаки таклиф олдик. Таклиф яхши бўлмагани учун бизга мос келмади. Агар яхши таклиф тушса, Душанни қўйиб юборишга тайёр эдик, аммо «Челси» трансфер шартларини яхшиламади.
Ҳатто Ромелу Лукаку билан алмашинувнинг бир қисми ҳисобга олинган бўлса ҳам», - деди Жунтоли.
Влахович жорий мавсум Италия чемпионатида 4 та гол урди. Шунингдек, ҳужумчи турнирда битта голли узатмага ҳам эга.
