"Lill" bosh murabbiyi Paulo Fonseka "Kristal Pelas"ni boshqarishi mumkin, deb xabar beradi The Sun.
Manba bergan xabarga ko‘ra, London klubi rahbariyati 50 yoshli portugaliyalikni hozirgi jamoa bosh murabbiyi Roy Xojson o‘rniga asosiy nomzod sifatida ko‘rmoqda. Qayd etilishicha, Fonseka Angliya Premyer-ligasida ishlashga qiziqmoqda.
Joriy Premyer-liganing 7 turida “Kristal Pelas” 11 ochko jamg‘arib, turnir jadvalida 9-o‘rinda bormoqda. Fonseka boshqaruvidagi “Lill” olti o‘yindan keyin 8 ochko jamg‘argan holda Fransiya 1-ligasida 11-o‘rinda bormoqda.
Eslatib o‘tamiz, portugaliyalik mutaxassis bungacha “Roma”, “Shaxtyor”, “Braga” va “Portu” kabi klublarda ham ishlagan.
