"Лилль" бош мураббийи Пауло Фонсека "Кристал Пэлас"ни бошқариши мумкин, деб хабар беради The Sun.
Манба берган хабарга кўра, Лондон клуби раҳбарияти 50 ёшли португалияликни ҳозирги жамоа бош мураббийи Рой Хожсон ўрнига асосий номзод сифатида кўрмоқда. Қайд этилишича, Фонсека Англия Премьер-лигасида ишлашга қизиқмоқда.
Жорий Премьер-лиганинг 7 турида “Кристал Пэлас” 11 очко жамғариб, турнир жадвалида 9-ўринда бормоқда. Фонсека бошқарувидаги “Лилль” олти ўйиндан кейин 8 очко жамғарган ҳолда Франция 1-лигасида 11-ўринда бормоқда.
Эслатиб ўтамиз, португалиялик мутахассис бунгача “Рома”, “Шахтёр”, “Брага” ва “Порту” каби клубларда ҳам ишлаган.
