«Tottenxem» - «Liverpul» (2:1) uchrashuvida VAR tizimida ishlagan hakamlar diskvalifikasiya qilindi.
Birinchi bo‘limda mersisaydliklar futbolchisi Luis Diasning goli futbolchi o‘yindan tashqari holatda qolgan deb topilib, hisobga olinmadi.
Angliyadagi bosh tizim bu xatoni tan oldi. Keyinchalik ma’lum bo‘lishicha, VAR bu golni bekor qilishga aralashmagan, chunki u yerdagi hakamlar bu ishni maydondagi hakamlarga qoldirgan.
The Times jurnalisti Martin Ziglerning yozishicha, VAR tizimida ishlagan Darren England va Premyer-liganing 7-turidagi shov-shuvli o‘yinda AVAR vazifasini bajargan Den Kuk «Nottingem» – «Brentford» bahsida ishlashdan chetlatilgan.
Bu o‘yinlarda England va Kuk o‘rniga Kreyg Pauson va Eddi Smart VAR tizimida ishlaydi.