"Real"dan tashqari, "Bayer" bosh murabbiyi Xabi Alonsoga boshqa top-klublar ham qiziqish bildirmoqda.
Diario AS nashri xabariga ko‘ra, ispaniyalik mutaxassis Angliya Premyer-ligasi jamoalari nishoniga tushib qolgan, ularning nomi hali oshkor etilmagan.
Eslatib o‘tamiz, avvalroq Alonso Karlo Anchelotti ketganidan keyin "Real Madrid" bosh murabbiyi lavozimiga asosiy favorit deb atalgandi. Italiyalik mutaxassis mavsum yakunida erkin agent sifatida ketadi va Braziliya terma jamoasini boshqaradi.
Ayni damda Alonso boshchiligidagi "Bayer" Germaniya Bundesligasida dastlabki 6 turda 16 ochko jamg‘argan holda birinchi o‘rinda bormoqda.